کیا وتر میں دعائے قنوت کی جگہ بھول کر سورۂ فاتحہ پڑھ دینے سے نماز ہو جائے گی

السلام علیکم ورحمۃ اللہ وبرکاتہ

کیا فرماتے ہیں علمائے کرام اس مسئلہ کے بارے میں کہ

ایک شخص نے دعائے قنوت کی جگہ بھول کر سورۂ فاتحہ پڑھ دیا یاد انے پر دعائے قنوت پڑھا تو کیا اس کو یاسجدۂ سہو کرنا چاہئے تھا یا اس کی نماز ہوگئی بحوالہ جواب عنایت فرمائیں نوازش ہوگی

*سائل تصدق حسین صدیقی ممبئی*

اــــــــــــــــــــــ❣♻❣ــــــــــــــــــــــ

*وعلیکم السلام ورحمۃ اللہ وبرکاتہ*

*الجواب بعون الملک الوھاب*

دعائے قنوت کی جگہ سورۂ فاتحہ پڑھ دینے سے نماز ہوگئی سجدۂ سہو کی ضرورت نہیں

اعلیٰ حضرت امام احمد رضا قادری بریلوی قدس سرہُ العزیز سے ایک سوال ہوا کہ ایک شخص دعائے قنوت کی جگہ تین بار سورۂ اخلاص شریف پڑھ لیتا ہے تو کیا اس کی نماز وتر صحیح ہوتی ہے یا نہیں

تو اعلیٰ حضرت امام احمد رضا تحریر فرماتے ہیں کہ

*" نماز صحیح ہوجانے میں تو کلام نہیں نہ یہ سجدۂ سہو کا محل کہ سہوا کوئی واجب ترک نہ ہوا دعائے قنوت اگر یاد نہیں تو یاد کرنا چاہیئے کہ خاص اس کا پڑھنا سنت ہے"*

اور جب تک یاد نہ ہو *اللھم ربنا اتنا فی الدنیا حسنۃ وفی الآخرۃ حسنۃ وقنا عذاب النار*

پڑھ لیا کریں یہ بھی نہ ہاد نہ ہو تو *اللھم اغفرلی* تین بار کہہ لیا کریں یہ بھی نہ آتا ہو تو صرف تین بار *یاربِ* کہہ لیا کریں واجب ادا ہوجائے گا

*رہا یہ کہ قل ھواللہ شریف پڑھنے سے بھی یہ واجب ادا ہوا کہ نہیں اتنے دنوں کے وتر کا اعادہ لازم ہو ظاہر ہے کہ ادا ہوگیا کہ وہ ثنا ہے اور ہر ثنا دعا ہے*

*بل قال العلامۃ القاری وغیرہ من العلماء کل دعاء ذکر وکل ذکر دعا وقد قال صلی اللّٰہ تعالیٰ علیہ وسلم افضل الدعاء الحمد اللہ*

*(📚رواہ الترمذی وحسنہ النسآئی وابن ماجہ وابن ابی حبان والحاکم وصححہ عن جابر بن عبداللہ رضی اللّٰہ تعالیٰ عنہ ھذا ولیحرر)*

*فتاویٰ رضویہ جلد پنجم صفحہ 722کتاب الصلاۃ باب الوتر والنوافل مطبوعہ امام احمد رضا اکیڈمی بریلی شریف*

*صورت مسئولہ میں شخص مذکور کی نماز وتر ادا ہوگئی دہرانے یاسجدۂ سہو کی حاجت نہیں*

جیسا کہ اوپرسطور میں متذکرہ بالاحوالہ سے عیاں ہے

*🔹واللہ اعلم و رسولہ🔹*

اــــــــــــــــــــــ❣♻❣ــــــــــــــــــــــ

*✍🏻کتبـــــــــــــــــــــــــــہ*

*حضرت علامہ مولانا ابوالاحسان محمد مشتاق احمد قادری رضوی صاحب قبلہ مدظلہ العالی والنورانی مہاراشٹر*

*۸ شوال المکرم ٢۴۴۱؁ھ بروز جمعہ*

اـــــــــــــــــــــ❣♻❣ــــــــــــــــــــــ

*✅الجواب صحیح والمجیب نجیح :-*

*حضرت علامہ جابرالقادری رضوی صاحب قبلہ*

اــــــــــــــــــــــ❣♻❣ـــــــــــــــــــــــ

*🔸فخر ازھر گروپ میں ایڈ کے لئے🔸* https://wa.me/+917542079555

https://wa.me/+917800878771

اــــــــــــــــــــــ❣♻❣ـــــــــــــــــــــــ

*المشتـــہر؛*

*منجانب منتظمین فــخــر ازھـــر گــروپ*

اــــــــــــــــــــــ❣♻❣ـــــــــــــــــــــــ